Memaknai Idul Fitri dan Kemerdekaan RI

الله أكبر × 9، الله أكبر كبيرا والحمد لله كثيرا وسبحان الله بكرة وأصيلا لا إله إلا الله والله أكبر، الله أكبر ولله الحمد

الحمد لله الذي جعل اليوم عيدا من عوائد الإحسان، وفضلنا باستقلال بلادنا إندونيسيا مع تنوع الإمتنان، براءة من أغلال الهوى والأبدان. أشهد أن لا إله إلا الله الواحد المنان، وأشهد أن سيدنا محمدا عبده ورسوله الداعي إلى دار الجنان، اللهم صل على سيدنا محمد وعلى أله وأصحابه أولي العلم والعرفان، أما بعد

فيا أيها الإخوان! اتقوا الله حق تقاته ولا تموتن إلا وأنتم مسلمون

Poro sederek jamaah sholat Idul Fitri Hafidzokumullah!

            Keparengo langkung rumiyen kulo wasiyat dateng awak kulo piyambak ugi panjenengan sami supados ningkataken kadar taqwa dateng Allah subhanahu wa taala, kanthi ninda’aken sedoyo perintahipun lan nebihi sedoyo laranganipun. Langkung-langkung taqwa meniko merupakan cita-cita tiyang ingkang nglampahi siyam ramadhan. Allah subhanahu wa ta’ala dawuh:

يَاأَيُّهَا الَّذِينَ ءَامَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ

Poro sederek muslimin ingkang dipun rahmati Allah!

            Panjenengan sedoyo kulo aturi pirso bileh dinten meniko dipun sebat Idul Fitri. Salah setunggalipun rutinitas kanjeng Nabi wonten ing dinten riyoyo nyuwun inggih ngaturaken “Taqobbalallahu mina wa minkum” dateng poro sohabat. Pramilo, sak derengipun kawulo matur katah, keparengo langkung rumiyen kulo aturi “Taqobbalallahu minna wa minkum”, ingkang artosipun mugi-mugi gusti Allah nampi sedoyo ibadah kawulo lan panjenengan sami, ibadah poso lan ibadah sanesipun.

            Wonten ing dinten bingah meniko kito dipun seru kaliyan Allah subhanahu wa ta’ala, supados ngatah-ngatahaken takbir sebagai bentuk rasa syukur kito atas sedoyo nikmat ingkang sampun dipun paringaken. Allah sampun dawuh

وَلِتُكْمِلُوا الْعِدَّةَ وَلِتُكَبِّرُوا اللهَ عَلَى مَا هَدَاكُمْ وَلَعَلَّكُمْ تَشْكُرُونَ

Ingkang artosipun: lan sayugjo siro kabeh podo nyempurnaaken wilangan poso, sarono ngagungaken Allah utawi maos takbir atas sedoyo pitedah supados siro kabeh podo syukur dateng Allah ta’ala.

Poro sederek shalat Idul Fitri ingkang minulyo!

Tanggal 9 Juli ingkang sampun kapengker kito sampun milih presiden, dinten meniko kito sami ngrayaaken Idul Fitri, lan tanggal 17 Agustus mangke kito insya Allah memperingati kemerdekaan Republik Indonesia. Ketepatan peringatan ingkang berdekatan lan silih berganti meniko patut kito syukuri. Bileh antara Idul Fitri lan kemerdekaan Indonesia meniko wonten korelasi utawi hubungan ingkang saget kito pundut hikmahipun.

Idul Fitri meniko momentum kemenangan rohani sedangkan kemerdekaan Indonesia meniko momentum kemenangan jasmani. Wonten ing wulan ramadhan ingkang sampun kapengker kito sami berjuang melawan nafsu. Kito nglampahi poso boten sekedar nahan luwe lan ngorong. Tetapi poso meniko dados sarana latihan menahan nafsu, menahan sifat-sifat ingkang tercela. Sedoyo anggota badan kito latih poso. Cita-cita saking latihan menahan nafsu meniko yoiku taqwa. Taqwa meniko dados simbol kesucian jiwa ingkang terbebas dari penjajahan nafsu. Jiwa taqwa yaiku jiwa ingkang memandang sedoyo perkawis kanti landasan syari’at, boten pamrih dunyo, lan ikhlas membantu sesama. Menawi cita-cita ingkang kados mekaten sampun tercapai berarti kito meraih kemenangan rohani ingkang dipun simbolaken kaliyan Idul Fitri. Idul Fitri meniko dados tonggak untuk memulai kehidupan yang baru. Kehidupan ingkang terbebas saking belenggu hawa nafsu.

Pramilo, menawi wonten tiyang ingkang sampun nglampahi poso tapi hawa nafsunipun taseh menguasai diri , tiyang ingkang kados mekaten dereng meraih kemenangan rohani. Niki cocok kaliyan prediksi kanjeng nabi wonten ing setunggaling hadis:

كَمْ مِنْ صَائِمٍ لَيْسَ لَهُ مِنْ صِيَامِهِ إِلَّا الْجُوعُ وَكَمْ مِنْ قَائِمٍ لَيْسَ لَهُ مِنْ قِيَامِهِ إِلَّا السَّهَرُ (رواه أحمد)

Artosipun: pirang-pirang tiyang ingkang poso tapi boten angsal nopo-nopo kecuali roso luwe lan ngorong, lan pirang-pirang tiyang ingkang nindaaken sholat dalu tapi boten angsal nopo-nopo kecuali roso ngantuk

Poro sederek kaum muslimin ingkang minulyo!

Sami kaliyan poso ingkang memperjuangkan kemerdekaan rohani, kemerdekaan Indonesia meniko ugi buah dari perjuangan melepas jiwa dan raga dari belenggu penjajah. Berabad-abad poro pahlawan berjuang melawan penjajah. Penjajah teng mriki boten sekedar hawa nafsu ingkang boten kasat mata, tetapi penjajah teng mriki sami kaliyan kito. Hasil daripada perjuangan fisik meniko kemerdekaan ingkang dipun proklamirkan bung Karno. Kemerdekaan lan kebebasan dari penjajah meniko salah setunggaling margi menuju kemajuan. Bung Karno mengistilahkan kemerdekaan sebagai jembatan emas. Sebagai tonggak mewujudkan kesejahteraan masyarakat lan cita-cita ingkang dereng terlaksana.

Kemerdekaan ugi dados margi merkulih ketaqwaan. Menawi taqwa idul fitri dipun artiaken istiqomah nindaake amal-amal ing wulan ramadhan, mongko taqwa kemerdekaan Indonesia dipun maknai taat undang-undang lan nebihi sedoyo perkawis ingkang saget memecah belah persatuan dan kesatuan Indonesia. Langkung-langkung kito saget derek memajukan sektor pendidikan, ekonomi, budaya, lan sanes-sanesipun.

Kanti meniko, pramilo kito patut bersyukur dateng Allah subhanahu wa ta’ala ingkang sampun maringi kemerdekaan kalih meniko. Kemerdekaan dari hawa nafsu lan kemerdekaan dari belenggu penjajah. Rasa syukur kito kedah dipun aplikasikan kelawan tindakan kados ingkang dipun contohaken Rasulullah sallallahu alayhi wasallam. Monggo kito rayaaken hari raya idul fitri lan peringatan kemerdekaan Indonesia kanti perkawis ingkang positif. Sampun ngantos kito terkekang oleh hawa nafsu sehinggo nopo ingkang kito lampahi selama bulan puasa dados muspro, boten wonten dampakipun nopo-nopo. Sedoyo amalan-amalan ingkang sampun kito lampahi sak lebete wulan ramadhan sumonggo kito istiqomahaken lan kito tingkataken. Mugi-mugi kito saget kepanggeh wulan ramadhan tahun ngajeng.

Lan monggo kito isi peringatan kemerdekaan Indonesia kanti kegiatan ingkang berguna bagi negari. Perjuangan ingkang sampun dilampahi poro pahlawan kito terusaken kanthi memajukan negari kito indonesia. Kito didik anak cucu kito supados dados generasi ingkang berkarakter, berwawasan, berbudi pekerti, cinta agama lan cinta indonesia. Sak meniko kito sampun kaparingan presiden baru. Monggo kito dukung kebijakanipun ingkang sahe ugi mengkritisi keputusan-keputusan ingkang boten sahe. Kanti mekaten kito saestu meraih kemenangan jiwa dan raga. Kemerdekaan jasmani lan rohani. Amin ya rabbal alamin.

الله أكبر × 3 ولله الحمد

جعلنا الله وإياكم من العائدين والفائزين وأدخلنا وإياكم في عباده الصالحين. أعوذ بالله من الشيطان الرجيم. إِذَا جَآءَ نَصْرُ اللَّهِ وَالْفَتْحُ. وَرَأَيْتَ النَّاسَ يَدْخُلُونَ فيِ دِينِ اللَّهِ أَفْوَاجًا. فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا. وقل رب اغفر وارحم وأنت خير الراحمين